ШАНКЕРИ

Активности

Шанкерите подготвуваат, мешаат и сервираат алкохолни пијалаци, коктели и миксови непосредно до потрошувачите на шанкови или посредно преку доставување на келнерите.

Задачите вклучуваат:

• примање нарачки за пијалаци директно од потрошувачите или, пак, од келнерите и водење сметковна евиденција за нив;
• идентификација и проверка на возраста на потрошувачите пред да се послужи алкохолен пијалак;
• користење специјална опрема за подготовка на пијалаците;
• подготовка и послужување алкохолни, безалкохолни пијалаци и коктели во барот;
• давање совети за ограничено и умерено консумирање на алкохолните пијалаци;
• естетско подредување чаши и шишиња на полиците од барот;
• послужување мини оброци и други прехранбени производи за посетителите на барот;
• вршење наплата за дадените угостителски услуги;
• вршење сродни задачи;
• надзор на други работници.

Во оваа единечна група спаѓаат следните занимања:

5132.01  Шанкер

5132.02  Сервирка

5132.03  Шеф на ноќен бар

5132.04  Шеф на хотелска услуга

(Извор: Национална класификација на занимања, www.stat.gov.mk, врз основа на ISCO-08)