Водоинсталатери и инсталатери на цевки – Плиноинсталатери
Активности
Плиноинсталатерите инсталираат, одржуваат и поправаат гасоводни линии, мерни уреди, регулатори и цевководни системи и апарати. Тука се вклучени системи за жешка вода и други апарати на гас, како што се грејачи на гас и топлотни пумпи. Тие мерат, сечат, обликуваат и поставуваат гасоводни цевки, ги тестираат системите што ги инсталираат, и ги поставуваат во домаќинства, претпријатија и други згради.
Плиноинсталатерите:
- вршат подготвителни активности за инсталација на гасоводни линии, цевководни системи и апарати;
- инсталираат вентили, славини и друга опрема за системи за снабдување со гас;
- инсталираат, одржуваат и поправаат секакви видови гасоводни системи во згради, фабрики и општи цевководни мрежи;
- инсталираат апарати на гас со помош на рачни и електрични алати;
- ги контролираат, испитуваат и тестираат инсталираните системи и цевки, со употреба на манометар, хидростатично тестирање, следење или други методи;
- извршуваат сродни задачи;
- вршат надзор врз други работници.
Оваа единица ги вклучува следните занимања:
7126.01 Помошен водоинсталатер
7126.02 Водоинсталатер
7126.03 Водоинсталатер, мајстор
7126.04 Плиноинсталатер
7126.05 Плиноинсталатер, мајстор
7126.06 Водоинсталатер и плиноинсталатер
7126.06 Бродоцевкар
7126.08 Бродоцевкар, специјализиран
7126.09 Помошен монтер на цевовод
7126.10 Монтер на цевовод
7126.11 Монтер на цевовод, специјализиран
7126.12 Монтер за санитарна инсталација
(Извор: Национална класификација на занимања, www.stat.gov.mk, врз основа на ISCO -08)