Акушери
Активности
Акушерите обезбедуваат медицински услуги, пораѓаат или им помагаат на докторите при породувањето, се грижат пред и по породувањето и ги советуваат мајките за негата на бебињата, учествуваат во здравственото воспитување на жените во врска со бременоста, доењето, исхраната и негата на новороденчињата.
Задачите вклучуваат:
- учество во спроведувањето на дијагностички и терапевтски постапки во гинекологијата и акушерството;
- подготвување на родилките и нивно пораѓање според стандардите за модерна акушерска заштита;
- давање на првична нега на новороденчињата и следење на нивната здравствена состојба;
- обука на мајката за доење, исхрана и заштита на новороденчето;
- давање на парентерална терапија;
- вршење на преврски, чистење на рани и давање на дневни лекарства на родилките;
- едукативни активности и совети во клиниката и во заедницата;
- размена на мислења и искуства со стручни лица од сродни области на медицината;
- вршење на испитувања од специјализирани области и пишување на научни трудови;
- вршење на сродни работи;
- надзор на останатите соработници.
Во оваа единечна група спаѓаат следните занимања:
2222.01 Медицинска сестра за породилно – гинеколошка здравствена нега
2222.02 Акушер – специјалист
(Извор: Национална класификација на занимања, www.stat.gov.mk, врз основа на ISCO -08)