Тесари и градежни столари
Активности
Тесарите и градежните столари сечат, обликуваат, монтираат, одржуваат и ги поправаат сите видови дрвени конструкции и други делови на градба и изработуваат и ги составуваат сите видови облоги и скелиња. Градежните столари изработуваат, вградуваат и поправаат врати, прозорци, ѕидни облоги и слично.
Задачите вклучуваат:
- кроење, режење, делкање и составување на дрвени градби;
- изработка на дрвени покривни, решеткасти и клинести носачи и режани дрвени елементи за носачи;
- изработка, монтирање и демонтирање на скеле и оплата за бетонирање и ѕидање;
- градење на дрвени мостови и други дрвени конструкции;
- изработка на дрвени настрешници и други привремени градежни објекти од дрво, изработка, поставување и демонтирање на скеле и потпирачи за безбедност при работата;
- подготвување, составување и менување на внатрешни и надворешни дрвени делови на зграда, како што се преградни ѕидови, врати, прозорци и оплата на надворешна фасада;
- изработка, поправка и подготовка на сценска опрема за театарски претстави, филм и телевизија;
- градење, составување, менување и поправка на дрвени елементи, преградни конструкции и опрема во вагони, авиони, бродови, сплавови и други превозни средства;
- вршење на сродни задачи;
- надзор на други работници.
Во оваа единечна група спаѓаат следните занимања:
7115.01 Тесар
7115.02 Дрводелец
7115.03 Дрводелец, мајстор
7115.04 Градежен столар
7115.05 Градежен столар, мајстор
7115.06 Ролетар
7115.07 Ролетар, мајстор
7115.08 Столар за сценска опрема
7115.09 Столар за сценска опрема, специјализиран
7115.10 Градител на дрвени бродови
7115.11 Градител на дрвени бродови, мајстор
7115.12 Бродостолар
7115.13 Градител на лесни едрилици
7115.14 Столар со вештини за енергетски ефикасни прозорци и врати
(Извор: Национална класификација на занимања, www.stat.gov.mk, врз основа на ISCO -08)