Развивачи на веб и мултимедија
Активности
Развивачите на веб и мултимедија спроведуваат истражувања, планираат, анализираат, дизајнираат, тестираат, унапредуваат или развиваат концепции и оперативни методи за изработка и развој на веб-страници, анимации, слики, аудио и видео записи и интерактивни медиуми и вршат советување во врска со нив или се вклучени во нивната практична примена.
Задачите вклучуваат:
- анализа, дизајнирање и развој на интернет страници со примена на комбинација на техничко знаење и креативност;
- дизајнирање и развој на дигитални анимации, слики, презентации, игри, аудио и видео клипови, интерактивни графики, мултимедијален софтвер и друго;
- дизајнирање, развој и интегрирање на компјутерски кодови на слики, аудио и видео за да се даде поддршка на интернет-страниците;
- комуницирање со специјалисти за веб-прашања поврзани со безбедноста и контролата на интернет-серверот и планирање и спроведување на континуитет на корисничкиот пристап;
- анализа, специфицирање и развој на интернет-стратегии, методологии и планови за развој;
- изработка на научни трудови и извештаи;
- вршење на сродни работи;
- надзор на другите соработници.
Во оваа единечна група спаѓаат следните занимања:
2513.01 Инженер на компјутерска графика
2513.02 Програмер на анимација
2513.03 Програмер на компјутерски игри
2513.04 Програмер на мултимедија
2513.05 Дизајнер на интернет-страници
(Извор: Национална класификација на занимања, www.stat.gov.mk, врз основа на ISCO -08)