Дизајнери на бази на податоци и администратори
Активности
Дизајнерите на бази на податоци и администраторите спроведуваат истражувања, планираат, дизајнираат, унапредуваат или развиваат концепции и оперативни методи за изработка и одржување на бази на податоци и советуваат во врска со нив или се вклучени во нивната практична примена.
Задачите вклучуваат:
- дизајнирање и развој на бази на податоци, структури на податоци, табели, речници и системски проекти;
- дизајнирање, конструирање, модифицирање, интеграција, имплементација, тестирање и управување со базните системи;
- спроведување на истражувања и давање на совети при избор, примена и спроведување на алатките за управување со базите на податоци;
- развивање и спроведување на административна политика на податоци, документи, стандарди и модели;
- развивање на политики и процедури за пристап до базите и употреба на системи за обновување на податоците;
- анализа на барањата на корисниците за утврдување на составот на опремата и програмска поддршка имајќи ги предвид потребите за понатамошен развој, како и применување на анализа на трошоците;
- реализирање на контроли и унапредување на безбедноста на податоците;
- изработка на научни трудови и извештаи;
- вршење на сродни работи;
- надзор на другите соработници.
Оваа единица ги вклучува следните занимања:
2521.01 Аналитичар на бази на податоци
2521.02 Администратор на бази на податоци
2521.03 Проектант на бази на податоци
(Извор: Национална класификација на занимања, www.stat.gov.mk, врз основа на ISCO -08)