Возачи на подвижни земјоделски и шумарски машини

Активности

Возачите на подвижни земјоделски и шумарски машини управуваат, насочуваат, возат и надгледуваат еден или повеќе видови моторизирани подвижни машини и опрема што се користат во земјоделството или во шумарството.

Задачите вклучуваат:

• возење и управување на трактори или земјоделски машини на сопствен погон, за орање, сеење, жнеење, балирање или слична опрема влечена од трактор;
• возење и управување на трактори или шумарски машини за чистење, садење, корнење, сечење и превоз на дрво или некоја друга посебна намена;
• подготовка на машинеријата за работа;
• проценување на тежината што се транспортира со цел да не се надминат ограничувањата за тежина;
• проверка на системите за кочење, осветлување, сигнализирање и друга опрема на машините пред да бидат стартувани;
• водење на евиденција за работата на машините;
• одржување на машините, чистење и ситни поправки;
• вршење на сродни задачи;
• надзор на другите вработени.

Во оваа единечна група спаѓаат следните занимања:

8341.01 Земјоделски тракторист

8341.02 Шумски тракторист

8341.03 Возач на земјоделски машини

8341.04 Возач на тешка шумска механизација

(Извор: Национална класификација на занимања, www.stat.gov.mk, врз основа на ISCO -08)