Возачи на автобуси и трамваи
Активности
Возачите на автобуси и трамваи управуваат со автобуси и трамваи за превоз на патници и пратки.
Задачите вклучуваат:
- управување со тролејбуси и автобуси во градскиот и меѓуградскиот сообраќај, за локален и оддалечен превоз на патници и стока;
- управување со трамваи за превоз на патници;
- следење на сообраќајни правила и сигнали;
- почитување на сообраќајната етика;
- давање на помош на патниците во врска со нивниот багаж;
- отворање и затворање на вратите кога влегуваат или излегуваат патници;
- вршење на наплата на билети за дадените услуги за превоз;
- преземање на безбедносни мерки за заштита на патниците;
- проверка на системите за кочење, греење, осветлување, сигнализирање и друга опрема на возилата пред да бидат пуштени во сообраќај;
- водење на евиденција за патувањата;
- одржување на возилата, чистење и ситни поправки;
- вршење на сродни задачи;
- надзор на другите вработени;
Оваа единица ги вклучува следните занимања:
8331.01 Возач на автобус
8331.02 Возач на минибус
8331.03 Возач на трамвај
8331.04 Возач на шинобус
8331.05 Возач на тролејбус
8331.06 Возач на комбибус
(Извор: Национална класификација на занимања, www.stat.gov.mk, врз основа на ISCO -08)