Обезбедување
Активности
Вработените во обезбедување и сродните занимања вршат вратарски должности во станбени згради и деловни објекти, се грижат за паркинзи, чуваат куќи и друг имот од незаконско влегување,вандализам или кражба и откриваат пожари и други опасности, го одржуваат редот и ги спроведуваатпрописите на јавни настани, вршат обезбедување на лица, собираат билети или вршат разводнички задачи.
Задачите вклучуваат:
- обиколка на згради и одредени области за да се спречат кражби, насилство, прекршување на закони или други регулативи;
- работа како вратар во хотели и пречекување и испраќање на гости, помош околу нивниот багаж, давање клучеви или информации за насоките на движење
- работа како вратари во станбени згради, проверка на правото за влез на посетители и давање потребни информации
- чување на куќи и друг имот од незаконско влегување или кражба, пожар и други опасности
- контрола на пристапот во објекти, влез и излез на вработени и посетители, проверување на идентификациони документи и делење на пропусници
- вршење на безбедносни проверки на патници и багаж на аеродромите
- вршење на должности на телохранител
- доколку е потребно, употреба на сила за да се запрат натрапници
- собирање билети во кина, театри, циркуси и слични места
- грижа за гардероби и тоалети на јавни места
- обезбедување на сигурносна достава на пари и други вредности на банки, банкомати и сефови
- грижа за паркинзи
- вршење на сродни задачи
- надзор на други работници
Во оваа единечна група спаѓаат следните занимања:
5414.01 Чувар ( заштита на лица и имот)
5414.02 Телохранител
5414.03 Портир ( заштита на лица и имот)
5414.04 Гардеробер
5414.05 Чувар на багаж
5414.06 Опслужувач во забавен парк
5414.07 Рецепционер
5414.08 Послужител
5414.09 Билетар
5414.10 Работник на паркинг
5414.11 Обезбедувач ( заштита на лица и имот)
(Извор: Национална класификација на занимања, www.stat.gov.mk, врз основа на ISCO -08)