НОВИНАРИ

Распоред на работата

Повеќето новинари, работат со полно работно време. Во 2022 година според податоците од АВРСМ, околу 96% од регистрираните вработени новинари, биле вработени на полно работно време. Новинарите работат и дополнителни часови или ги менуваат работните распореди со цел да ги завршат своите работни задачи кои често се временски непредвидливи. Во новинарството не постои прецизно работно време бидејќи медиумите покриваат настани 24 часа, поради што новинарите работат и навечер, како и за време на викенди и на празници.