Градежни архитекти

Активности

Градежните архитекти спроведуваат истражувања, советуваат, планираат и дизајнираат, водат изградба, стручно надгледуваат, водат работи на одржување во областа на високоградбата (станбени, деловни и индустриски згради, болници и слично) го контролираат процесот на вградување инсталации. Тие воспоставуваат програми за координација на градежните активности и ја оценуваат ефикасноста на трошоците и безбедноста при градењето.

Задачите вклучуваат:

• развој и унапредување на постоечките архитектонски теории и методи;
• водење на изработката на проекти и проектирање во високоградбата,
  дизајнирање на паркови и пејзажна архитектура, изработка на
  архитектонски проекти за останатите градби (пумпни станици и слично);
• усогласување на проектите со јавните и другите интереси во постапката за
  добивање на градежна дозвола; • конзервирање и ревитализација на
  споменици на културата;
• конципирање на градби на високоградба, изработка на идејни решенија и
  проекти, изработка на студии, како и истражување, консултации и други
  активности како основа за изработка на главниот проект и помош на
  инвеститорот и донесување на одлуки поврзани со вложувања во
  инвестицискиот потфат;
• надзор на проекти за заштита од бучава и вибрации, топлотна заштита и
  заштеда на енергија;
• проучување на функционални извештаи и организациски графикони за да се утврдат функциите и одговорностите на работниците и работните единици;
• давање на советодавни услуги во сите фази на изградба;
• проучување на технолошките аспекти на одделни градежни производи,
  надзор и осигурување на квалитетот и советување во врска со нив;
• стручен надзор на градбите во високоградба;
• одржување на техничка соработка и советување со другите релевантни
  стручњаци;
• изработка на научни трудови и пишување на извештаи;
• вршење на сродни работи;
• надзор на останатите соработници.

Во оваа единечна група спаѓаат следните занимања:

2161.01  Архитект

2161.02  Инженер за архитектура

2161.03  Архитект – проектант

2161.04  Архитект – конзерватор

2161.05  Архитект – истражувач

(Извор: Национална класификација на занимања, www.stat.gov.mk, врз основа на ISCO -08)