НЕГУВАТЕЛИ НА БОЛНИ ЛИЦА ВО ДОМАШНИ УСЛОВИ
Активности
Негувателите на болни лица пружаат лична нега и помош, во домашни услови, на лица на кои им е потребна таква помош, поради болест, физичка или психичка слабост, инвалидност или намалена способност поради старост.
Негувателите на болни лица во домашни услови:
- пружаат помош на лица при одење, станување од и легнување на кревет, и соодветно пресоблекување;
- пружаат помош при движење со инвалидска количка;
- менуваат постелина, пружаат помош на лицата при одржување лична хигиена и при вршење физиолошки потреби;
- послужуваат храна и ги хранат на пациентите на кои им е потребно;
- потсетуваат и проверуваат дали лицето ги зело потребните лекови;
- ја следат здравствената евиденција на болните;
- го следат секој знак на опаѓање на здравствената состојба на лицето и ги известуваат надлежниот лекар или социјалната служба;
- даваат психичка поддршка на пациентите преку разговор или гласно читање;
- обезбедуваат емотивна поддршка, информации и совети на членовите на потесното семејство на болните;
Примери на занимања вклучени тука:
5322.01 Негувател на болни лица (во куќа)
5322.02 Негувател на лица со развојни тешкотии
5322.03 Негувател на стари и немоќни лица
5322.04 Професионален негувател на болни лица во домашни услови
(Извор: Национална класификација на занимања, www.stat.gov.mk, врз основа на ISCO -08)