ТЕХНИЧАРИ И АСИСТЕНТИ ЗА ФИЗИОТЕРАПИЈА

Активности

Техничарите и асистентите за физиотерапија лекуваат мускулни и коскени заболувања или делови на циркулаторниот или на нервниот систем со рачни методи и со ултразвучни, загреани, ласерски или слични техники, или применуваат физиотерапија и сродни терапии како дел од лекувањето на лицата со ментална или телесна попреченост. Техничарите и асистентите за физиотерапија се здравствени работници кои применуваат кинезиотераписки и физикални постапки во превентивни цели кај здраво население, како и кај трауматизирани, ортопедски ревматолишки, невролошки, интернистички хронични пациенти во тераписки цели и рехабилитациони постапки, во примарна, секундарна и трециерна здравствена заштита. Тие применуваат тераписки постапки пропишани од страна на лекар специјалист, дипломиран физиотерапевт.

Задачите вклучуваат:

• спроведување постапки на физикална терапија (хидротерапија, криотерапија, парафинотерапија, масажи, електротерапија);
• спроведување на кинезитераписки постапки во професионалната рехабилитација;
• рачно масирање и акупресурна масажа во рехабилитацискиот процес;
• примена на балнеотерапија;
• вршење на сродни задачи;
• надзор на други соработници.

Во оваа единечна група спаѓаат следните занимања:

3255.01 Хидротерапевт

3255.02 Масер – медицински

3255.03 Физиотерапевтски техничар

3255.04 Електротерапевт

(Извор: Национална класификација на занимања, www.stat.gov.mk, врз основа на ISCO -08)